Թեսթ 4
Կամակոր թագավորը
Լինում է, չի լինում ̀ մի կամակոր թագավոր է լինում: Մի օր նա կանչում է իր երկրի բոլոր դերձակներին և հրամայում, թե ինձ համար մի այնպիսի վերմակ կարեք, որ հասակիս համեմատ լինի ̀ ոչ երկար, ոչ կարճ: Ոչ մի դերձակ չի կարողանում թագավորի հրամանը կատարել, բոլորի գլուխներն էլ կտրել է տալիս:
Օրերից մի օր թագավորի մոտ մի դերձակ է գալիս:
— Թագավորն ապրած կենա, -ասում է նա, — ես քո ուզած վերմակը կկարեմ: Ոչ երկար կլինի, ոչ կարճ:
— Լավ, — ասում է թագավորը, — բայց տես, եթե մի փոքր երկար եղավ կամ կարճ, իմացած լինես ̀ գլուխդ կտրելու եմ:
-Համաձայն եմ, թագավորն ապրած կենա, թե չկարողացա ̀ գլուխս կտրի:
Դերձակը գնում է մի վերմակ կարում, դիտմամբ էլ մի քիչ կարճ է անում: Տանում է, դնում թագավորի առաջ: Փեշի տակ էլ թաքուն մի ճիպոտ է պահած լինում:
-Թագավորն ապրած կենա, — ասում է դերձակը ̀ գլուխ տալով, — քո ուզած վերմակը կարել եմ: Տես ̀ կհավանե՞ս:
-Տեսնենք հասակիս հարմա՞ր է, թե՞ ավել- պակաս, — ասում է թագավորն ու պառկում թախտին, վերմակը քաշում վրան: Վերմակը հազիվ ծնկներին է հասնում, ոտքերը բաց են մնում:
Դերձակն իսկույն փեշի տակից հանում է ճիպոտը և խփում թագավորի ոտքերին:
-Թագավորն ապրած կենա, — ասում է դերձակը, — ամեն մարդ իր վերմակի համեմատ պիտի ոտքը մեկնի:
Թագավորն ամիջապես ոտքերն իրեն է քաշում, թաքցնում վերմակի տակ:
Կամակոր թագավորն այլևս ոչինչ չի կարողանում ասել: Նույնիսկ մեծ –մեծ նվերներ է տալիս ու ճանապարհ դնում հնագետ դերձակին:
1.Տեքստի չորս բառերում տառի փոխարեն վանդակ է դրված, դու՛րս գրիր այդ բառերը՝ լրացնելով բաց թողած տառերը:
դերձակ
կարճ
թախտ
մարդ
2.Ի՞նչ է նշանակում դերձակ բառը:
Մարդ, ով կարում է։
- Ո՞ր դարձվածքի իմաստն է սխալ բացատրված.
- գլուխը դատարկ — հիմար, անխելք, տգետ
- թև առնել — ոգևորվել, ոգեշնչվել
- կողը հաստ – համառ, կամակոր, ինքնասածի
- ձեռք մեկնել — ձեռքով անել, հեռանալX oգնել V
4.Տեքստից դու՛րս գրիր մեկական պատմողական և հարցական նախադասություն:
Ոչ մի դերձակ չի կարողանում թագավորի հրամանը կատարել։
Տեսնենք հասակիս հարմար է՞, թե՞ ավել- պակաս։
5.Կետադրի՛ր հետևյալ նախադասությունը`
Դերձակը հասկացավ, որ թագավորը հիմար է:
6.Օգտագործելով տրված բառերը ̀ ( սարեր, չի գնա, մարդու, ծաղկին) լրացրու՛ առած-ասացվածքները.
- Ծաղիկըծաղկին նայելով է բացվում:
- Թթու է, թան չի, ամեն մարդու բան չի:
- Մեջք –մեջքի որ տանք, սարեր շուռ կտանք:
- Արջից վախեցողը անտառ չի գնա:
- Ի՞նչն է ստիպում թագավորին նման հրաման արձակել:
Նա ուզում է մի այնպիսի վերմակ, որը ոչ կարճ լինի, ոչ էլ երկար։
- Ի՞նչ հնարամտության է դիմում դերձակը:
Դերձակը մի կարճ վերմակ է կարում, տալիս է թագավորին։ Հետո վերմակի տակ դնում է ճիպոտ։ Երբ որ թագավորը պառկում է թախտին, ոտքերը բաց են մնում։ Դերձակը խփում է ճիպոտով թագավորի ոտքերին եւ դերձակը ասում է, որ վերմակի համեմատ պիտի ոտքը մեկնի։
9.Ժողովրդական ո՞ր ասացվածքն է օգտագործված տեքստում:
Ամեն մարդ իր վերմակի համեմատ պիտի ոտքը մեկնի։
- Ուրիշ ո՞ր հեքիաթի հերոսին ես նմանեցնում թագավորին:
Հովհ.Թումանյանի «ՍՈՒՏԱՍԱՆԸ»
11.Կամակոր թագավորին պատժելու մի հնարք էլ մտածիր դու:
Դերձակը կարող էր փռել վերմակը թագավորի վրա եւ պինդ կապեր , բերանը ժապավենով կապեր, որ թագավորը նրան գլխատելու հրաման չտար։
12.Ի՞նչպես ինքդ կվերնագրեիր տեքստը:
«Հնարամիտ դերձակը»
Հեքիաթը սովորիր պատմել:
Ուղղագրական բառարանից դուրս գրիր Ամանորին վերաբերող 15-20 բառ, անծանոթ բառերը բացատրական բառարանի օգնությամբ բացատրիր, սովորիր այդ բառերի թե ուղղագրությունը, թե բացատրությունը:
Եղջերու
Եղեւնի
Ուղարկել
Արծաթազօծ
Արձակուրդ
Գավաթ
Գունագեղ
Ընկույզ
Ձմեռային
Ձյուն
Եղյամ- շաղ
Եղջյուր – կոտոշ
Եղրեւանի- ամանորյա ծառ